Azərbaycanlı

Prezidentimizin müraciəti barədə fikirlərimi ifadə etmək istəyirəm. Çox güclü, çox qətiyyətli və kəskin bir nitq idi.
Müraciətdə BMT-nin qətnamələrinin yalnız kağız üzərində qalması deyildi, Minsk qrupunun təkliflərinin elə təklif olaraq qaldığı deyildi. Ali Baş Komandan qeyd etdi ki O "indi əl-ayağa düşmüşlərə" bu neçə illər ərzində dəfələrlə ermənistana təziq etməyi, sanksiyalar tətbiq etməyi təklif edib, lakin onlar "bu bizi maraqlandırmır" deyirdilər. "Əgər maraqlandırmırdısa indi nə hoqqalardan çıxırsınız?!"...

Дождь kanalında düşmən tərəf bir müsahibə paylaşıb. Qadındır. Xankəndində yaşayırdılar. Qadının anası rus, atası isə erməni və müharibədə öldüyü əri də ermənidir. Ərini müharibənin ikinci günündə itirib amma hərbiçilər gizlədirmişlər. 2 gün zənglərə cavab ala bilməyən qadına axırı həqiqəti dedilər və bu gün ərinin ölüsünü gətirib verdilər.

Mirşahinin sözləri barədə çox düşündüm. Sizi də biraz daha dərindən düşünməyə və tarixi xatırlamağa çağırıram.

Mirşahinin sözləri belə idi: "1992-ci əsgərlərindən bilirsinizmi nə ilə fərqlənir bu əsgərlər? Onlar bir sıra hallarda, mənim yadımdadır,məğlubiyyət əsgərləri tək qalıblar. Bu əsgərlər isə hamısı qalibiyyət əsgərləridir. Fərq bundadır!"

İndi gəlin 1992-ci ilin əsgərləri barədə, ümumiyyətlə o vaxtlar nə yaşadığımız barədə düşünək.

Əvvəlcə Gürcülərə diləndilər və cavab olaraq sərhədlərin bağlı qapıları ilə üzləşdilər, sonra Ruslara diləndilər və gülüş obyektinə çevrildilər, indi də Azərbaycanın ayrı-ayrı etnik qruplarına yalvarmağa başlayıblar. ermənilər informasiya müharibəsində belə təxribatlar üçün xüsusi postlar yazırlar, parlamentlərində çıxışlar edirlər, videolar düzəldirlər, fake səhifələr yaradırlar və kommentlərdə yalvarırlar ki, talışlar və ləzgilər müharibədə iştirak etməsinlər.

Polad Bülbüloğlu müharibə barədə şərh verib və Телеканал Дождь bunu facebook səhifəsində paylaşıb. Gördüm ki, kommentdə ermənilər səfirimizin atasının adını məsxərəyə qoymaq istəyirlər.(İncəsənət, mədəniyyət görməyiblər axı nə bilsinlər.) Mən də buna taktik yanaşdım və komentə səfirimizin atası, operə müğənnimiz, sənətkarımız Murtuza Məşədi Rza oğlu Məmmədov barədə kiçik məlumat yazdım.

Əgər yazılanı savadlı görürsünüzsə niyə yazanın adını o yazının altından silirsiniz? Niyə istəmirsən ki, başqaları da bu müəllifin digər məqalələri ilə tanış olsun? Bu © işarəsi nədir yəni onunla kifayətlənirlər?

Rossiya1 az öncə Prezidentimizdən canlı efirdə qısa müsahibə götürüb. Prezidentimiz həmişəki kimi məsələni xırdalayıb geniş, dəqiq və tam məlumat verdi. Türkiyə barədə sual olundu. Prezident ətraflı formada dedi ki, Türkiyə ilə Azərbaycan qardaş ölkələrdir və Türkiyə gərginlik yaranan ilk dəqiqələrdən açıq şəkildə bizim tərəfimizdə olduğunu bəyan etdi və Türkiyə bizə hazırda yalnız mənəvi dəstək verir. Prezident dedi ki, qarşı tərəf Türkiyəni bu mövzuda şişirərək ilk öncə Azərbaycan ordusunu küçümsətmək istəyir, digər məqsədi isə Türkiyəni iştirakçı kimi qələmə verib başqa-başqa ölkələrdən dəstək almaqdır.

Bu gün 2 müsahibə izlədim. Biri Erkin Qədirlinin BBC-yə verdiyi müsahibə oldu, digəri Kamran Həsənlinin Popumuz var-da verdiyi müsahibə. Hər ikisi xoşuma gəldi. Çoxdandır belə kamil savadlı fikir eşitmirdik. Maraqlı vəhdəd təşkil etdi mənim üçün. Biri siyasət barədə danışdı, digəri millət barədə.

Dostlar, ermənilərin yeni fake üsulları ilə üzləşmişəm, istəyirəm paylaşım.

Deməli, yəqin ki bilirsiz, Technote-da gedən Tech-İnside verlişinin ssenarisini mən yazıram. Bu verliş sırf proqramçılar üçün nəzərdə tutulub və biz orada məhşur platformaların arxasında hansı texnologiyaların durduğunu danışırıq. Hər buraxılışın əvvəlində isə platformanın tarixi barədə də qısa məlumat veririk ki, verliş biraz daha geniş kütləni özünə cəlb etsin. Növbəti buraxılış isə İnstagram barədə olmalıdır.
Xülasə. İndi araşdırma aparıram, mənbələrim qlobal xəbər saytlarından, Vikipediadan, Quoradan tutmuş adi blog saytlarına qədər gedib çıxır. İnstagramın qısa tarixçəsi budur ki, Kevin Systrom ilə Mike Krieger birləşib Burbn adlı app yaradırlar, yolun sonunda isə bu app çevrilir olur indi bildiyimiz İnstagram. Burda hər şey normaldır, bütün mənbələrdə də bu tarix barədə müxtəlif maraqlı məlumatlar var. Amma Rus vikipediyasında Kevin Systrom-un səhifəsində tarix bir cümlə ilə dəyişdirilib.