1500x500 Website header covers

Bloguma xoş gəldiniz :)

Bloquma xoş gəldiniz. Hərdən ürəyimdən keçəni yazıram. Özüm startapçıyam, bloggerəm, proqramçıyam, kinoşünasam və sahibkaram. Owbike adlı saytyaratma sisteminin CEO-suyam. Bu nöqtəyə gələ bilmək üçün illərlə proqramlaşdırma öyrənmişəm. Özüm öyrənmişəm, bəzən hətta öyrətmişəm. Təhsilim isə tam fərqli bir sahə üzrə olub. Kino mənim ikinci ən böyük marağımdır. Və digər cəhətim barədə qısaca: Yazmamağı bacarmıram. Qarşıma maraqlı məlumat çıxdıqda, yeni nəsə öyrəndikdə, nəyisə bəyəndikdə və ya əksinə nəsə xoşuma gəlməyəndə mütləq bunun barədə haradasa nəsə yazmalıyam. Nəticə etibarı ilə həm rəhbəri olduğum Owbike şirkətindən qazanıram həm də sifariş əsasında yazdığım məqalələrdən. Boş vaxtımda isə kino izləyirəm və o kino çox xoşuma gələndə onun barədə də gəlib, yeni bir məqalə yazıram.

Həsənağa Azad

  

 


 

 

 

Məsləhətçi

The Witcher 1 (2007) (+18)

The-Witcher-2007-Review-By-Hasanagha-Azad

Serialı tam anlamaq üçün oyunu oynamalı oldum.

Və oynayarkən hər bir dəqiqəsindən həzz aldım. Oyunun əsas süjeti çox dolğundur, çox maraqlıdır. Əlavə kiçik süjetlər isə səni daha dərinə çəkir və bütünlüklə özünü bu fentezi atmosferli hekayənin bir parçası kimi hiss edirsən. Döyüş tərzi də çox fərqlənir. Silahlar, müxtəlif bacarıqların tənzimlənməsi, sehirli güclər, fərqli silahlar, kitablar, reseptlər, eleksirlər, müxtəlif qulyabanılar və s. Ən maraqlısı isə odur ki, mən bu oyunu fanatlar tərəfindən yaradılmış ensiklopediyanı oxuyaraq oynayırdım. Bir ekranda wiki, digərində oyun. Bu bir qədər cığallıq kimi oldu, amma mənim çox xoşuma gəldi. Oyunda o qədər kiçik detallar var ki, o detalları anlayaraq oynayanda özünü eyni zamanda bir araşdırmaçı kimi hiss edirsən. Süjeti keçmək üçün hansı boss ilə dalaşmaq lazımdır, hansı boss ilə dalaşmaq üçün hansı eleksiri içməlisən, o eleksir üçün hansı inqridientlər lazımdır, o inqridientləri əldə etmək üçün kimləri öldürməlisən və s. Bu suallar dövrü bütün oyun boyunca davam edir və sən araşdıraraq oynayırsan, oynayaraq araşdırırsan. Bütün bunlar barədə ümumi danışacağam. Heç bir spoilerə də ehtiyac olmayacaq. Çünki oyun o qədər maraqlı detallarla doludur ki, süjet barədə heç nə demədən saatlarla oyunun özü danışa bilərik.

Ardını Oxu
Azərbaycanlı

Rusiya sülhməramlıları barədə

Rusiya sülhməramlılarının Qarabağda yerləşməsi planının ilkin xəritəsi

Müharibənin hərbi mərhələsi bitdi və diplomatiya mərhələsi başladı. Diplomatiya isə emosiyalardan yox, maraqlardan ibarətdir. Ona görədə də məqaləni oxumağa başlamazdan öncə xahiş edirəm emosiyalarınızı kənara qoyasınız və məsələyə bir şahmat oyunu kimi yanaşasınız. Burada isə bir neçə oyunçu var: Azərbaycan, Türkiyə, Rusiya və Ermənistan. Ermənistan isə öz növbəsində Qarabağ klanına və İrəvan klanına bölünür.

Ardını Oxu
Azərbaycanlı

Qarabağ uğrunda yığılmış puzzle

Azərbaycan Qarabağı geri qaytardı

Bu gün 10 noyabr 2020-ci il tarixində müharibə bitdi. Nəhayət ki, Qarabağ Azərbaycana qayıtdı və bu 30 illik həsrət sona çatdı. Prezident İlham Əliyev müharibə başlayan gündən etibarən xarici mətbuata verdiyi müsahibələrdə tez-tez deyirdi ki, O xalqımıza Qarabağı qaytaracağını söz verib və bu sözü tutmağın vaxtı gəlib. Prezident bunlarla birgə deyirdi ki, bu neçə illik idarəçiliyinin başlıca məqsədi və siyasəti xalqının bu tələbini gerçəkləşdirməkdir. 
Bu sözləri ilk dəfə eşidəndə əvvəlcə düşündüm ki, yəqin İlham Əliyev bu ifadələri ona görə səsləndirir ki, dünya mediası görsün ki, Qarabağ təkcə onun yox, bütün Azərbaycanın başlıca tələbidir və Prezident öz işini yerinə yetirir. Yəni düşünürdüm ki, bu cümlələr zəruri hesab olunmuş siyasi cümlələrdir. Lakin daha sonra bu neçə illər ərzində görülmüş işləri araşdırdıqda başa düşdüm ki, xeyr, bu sözləri demək üçün daha dərin səbəblər var və həqiqətən də Prezident İlham Əliyevin rəhbərliyi dövründə onun əsas siyasəti Qarabağ uğrunda olub və bu siyasət ilə Azərbaycan Respublikası Qarabağın qaytarılması üçün tələb olunanları sanki bir puzzle kimi yığıb.

Ardını Oxu
Azərbaycanlı

İlham Əliyevin Ria Novosti kanalında D.Kiselyovun keçirdiyi müsahibədən sonra Rusiyalılara müraciəti

İlham Əliyev

Daha öncə sizə D.Kiselyovun 15 Oktyabr 2020 tarixində İ.Əliyev və N.Paşinyan arasında keçirdiyi qarşıdurma tipli müsahibəni təqdim etmişdim. Həmin müsahibənin sonunda Prezident İlham Əliyev fürsətdən istifadə edərək Rusiyalılara bir müraciət etmişdi. Hesab edirəm ki, o müraciətin böyük tarixi əhəmiyyəti var və müraciət hadisələrin gedişatına ciddi təsir edib. Sizə həmin müraciətin tərcüməsini təqdim edirəm

Ardını Oxu
Azərbaycanlı

Azad Torpaq

Xalq mənə layihənin ideyasını paylaşmaqda kömək oldu. İnsanlar paylaşdı, səhifələrdə paylaşımlar oldu, həqiqətən gözləmədiyim qədər çox yayıldı. İndi istəyirəm layihə barədə biraz daha dərin məlumat paylaşım.
İlk öncə onu deyim ki, bəzi insanlar məsələni yaxşı bilmədiklərindən paylaşımların altında məndən prototip və ya MVP hazırlamağımı tələb edirdilər.

Ardını Oxu
Azərbaycanlı

Prezidentin bu gün müraciət zamanı 2-3 cümlə ilə vurğuladığı SAXLANILSIN sözü əslində çox vacib tarixi detaldır

Qafqaz bürosunun Qarabağın Azərbaycanda Saxlanılması barədə imzaladığı protokol

Paşinyanın "kokeyşın büro disaydid..." sözləri də əslində bu detalın ətrafındadır. Bu gün bizim xarici dil bilən həmvətənlilərimiz ermənilərlə açıq informasiyə döyüşləri edəndə də bu detal ətrafında çox mübahisələr olur və ermənilər sonda uduzurlar. Bu çox vacib, qlobal diqqəti ətrafında toplayan və ermənilərin illər boyu xarici mediada təhrif etdikləri sözdür.

Ardını Oxu

Köhnə yazılarım

Faydalı Startap inkubasiya modeli
Faydalı startap inkubator modeli

Bu material vasitəsi ilə mən Həsənağa Azad Azərbaycan İT ekosistemi reallıqlarında faydalı startap inkubatorun nələrə malik olmalı olduğunu izah edirəm. Yazılanlar şəxsi subyektiv fikirlərim, yerli startapların istəkləri, yerli ekosistemin tələbləri, gənclərin baxışları, inkubatorların fəaliyyətindən çıxardığım nəticələr və digər ölkələrdəki ekosistemlərdə buraya uyğun gördüklərim əsasında yazılmışdır. Təklif etdiyim model “içəridən iştirakçı” baxışını əks edir. Həmçinin qeyd etmək istəyirəm ki, mən bir startapçı kimi inkubasiya dövrünü bitirmiş olduğum üçün burada yazılanları öz startapım üçün deyil, gələcək nəsillər üçün tövsiyyə edirəm. 

ardı

Süni səka barədə məqalənin posteri.SÜNİ ZƏKA yazısı, Ex machine filmindən robot
Süni Zəka. Bu bir xəyaldır.

Süni Zəka. Bu bir xəyaldır. Həqiqətən də belə başlamaq istədim məqaləmi. Bu, bütün insan tarixinin ən müqəddəs, ən ülvi arzusu olub. Çünki biz həmişə ən ədaləti olanı, ən ağıllı olanı, ən güclü və eyni zamanda ən dürüst olanı istəmişik. Bizlər daima üstün bir varlığa inanmaq istəmişik. Hansı ki, həmişə bizim xeyrimizə olan qərarlar verərək, bizim həyatımızı dəyişəcək addımlar edərək, ən uğursuzu uğurlu, ən axmağı ağıllı edəcək və ən zəifdə güc tapa biləcəkdir.

ardı

Balta cizgi filmi barədə olan məqalənin  posteri
Baltanın sapı boşdur. Bərkitmirsiniz. Axırı yaxındır

Çox düşündüm, çox haqq-hesab elədim və nəticədə qərar verdim ki, yox YAZACAM!
Balta barədə yazıram. Və bu post təmiz “sveji” tənqiddir. Baltanın sezon finalından sonra çıxan rəylərə, və rəyələrə qarşı olan cavablara bir xeyli baxdım. Və sonunda qərar verdim ki, bir çox məqamlara toxunmalıyam.

ardı